Табыстар мен жетістіктер

КазЦСЖТ-ның басты жетістігі – Теміржол көлігінің қауіпсіздігі туралы Кеден одағының техникалық регламенттерінің (ТР ТС 001/2011), Жоғары жылдамдықты теміржол көлігінің қауіпсіздігі туралы (ТР ТС 002/2011), Теміржол көлігі инфрақұрылымының қауіпсіздігі туралы (ТР ТС 003/2011) талаптарына сәйкес теміржол өнімдерінің сәйкестігін бағалау үшін қажетті сынақтарды жеткілікті көлемде қамтамасыз ете алатын Сынақ орталығын құру болып табылады.

Экибастұз қаласында орналасқан КазЦСЖТ Сынақ орталығы заманауи сынақ жабдықтарымен және әлемнің жетекші өндірушілерінің өлшеу құралдарымен жабдықталған, бұл жылжымалы құрамды, оның құрамдас бөліктерін, сондай-ақ жолдың үстіңгі құрылым элементтерін сынаудың кең көлемін өткізуге мүмкіндік береді. Бұл сынақ жабдықтары мен өлшеу құралдары ТМД аумағында ең заманауи болып табылады және Қазақстан Республикасы мен Орталық Азия елдерінде теңдесі жоқ.

Стендтік аймақта мыналар бар:

• статикалық және циклдік сынақтарға арналған әмбебап 3D стенд;
• жолаушылар және жүк вагондарын тарту-серу сынақтарынан өткізуге арналған стенд;
• жылжымалы құрам элементтерін қысу сынағына арналған стенд;
• жылжымалы құрам элементтерін тарту сынақтарынан өткізуге арналған статикалық сынақ стенді.

Біздің жабдықтың бірегейлігі мынада: осындай стендтер тек тапсырыс берушінің жеке талаптарына сәйкес жасалады. Мұндай бірегей жабдықты өндіру процедурасы келесі кезеңдерден тұрады: сынақ жабдығының жоспарланған функцияларына негізделген техникалық тапсырманы әзірлеу; жабдықты орнату талаптарын ескере отырып, оны өндіруге арналған конструкторлық құжаттаманы әзірлеу, өндіріс және кейінгі іске қосу-жөндеу жұмыстары. Біздің жабдықты жасауда Ресей, АҚШ, Жапония және Қытайдан келген MTS, HBM, Rohde & Schwarz сияқты әлемдік брендтердің ең үздік компаниялары қатысты.

Бүгінгі таңда әмбебап 3D стенд техникалық тұрғыдан ТМД аумағында бірегей болып табылады, өйткені оның негізінде алты тәуелсіз гидроцилиндрі бар заманауи гидравликалық жүйе және нормативтік жүктемелердің кез келген үйлесімін орнатуға мүмкіндік беретін басқару жүйесі жатыр. Бұл стенд теміржол мақсатындағы әртүрлі өнімдерді сынауға мүмкіндік береді, мысалы, тарту хомутының сынасынан бастап локомотив арбаларының рамалары сияқты массивті құрылымдарға дейін.