Өтініш берушілердің құқықтары мен міндеттері

Өтініш берушінің құқықтары:

1) Өнімге арналған техникалық регламенттерде белгіленген сәйкестікті растау нысанын (ерікті сәйкестікті растау кезінде) және схемасын таңдауға;

2) Орындаушыдан сәйкестікті растау қызметтерін шартта көрсетілген талаптарға сәйкес сапалы және уақтылы орындауды талап етуге;

3) Сәйкестікті растау рәсіміне қатысты ОПС аккредитация саласына сәйкес шағымдар қоюға.

Өтініш берушінің міндеттері:

1) Сәйкестікті растау талаптарын, оның ішінде ОПС жеткізген тиісті өзгерістерді орындауға;

2) Үздіксіз өндіріс сертификаты болған жағдайда сертификатталған өнімнің талаптарға тұрақты сәйкестігін қамтамасыз етуге;

3) Келесі іс-шараларды жүзеге асыру үшін барлық қажеттіліктерді орындауға:

- бағалау және инспекциялық бақылау жүргізу (қажет болған жағдайда), құжаттар мен жазбаларды қарауды, сондай-ақ тиісті жабдықтарға, орынға, аумаққа, персоналға және тапсырыс берушінің қосалқы мердігерлеріне қол жеткізуді қамтамасыз ету;

- шағымдарды қарау;

- бақылаушылардың қатысуы, қажет болған жағдайда.

4) Өнімнің сәйкестігін растайтын құжаттарды ОПС беделіне нұқсан келтіретіндей пайдаланбауға, сондай-ақ ОПС жаңылыстыратын немесе заңсыз деп санайтын мәлімдемелер жасамауға;

5) Сәйкестік сертификаты немесе сәйкестік декларациясы тоқтатылғаннан, жойылғаннан немесе қолдану мерзімі аяқталғаннан кейін сертификаттау/декларациялау сәйкестігіне сілтеме жасайтын барлық жарнамалық материалдарды пайдалануды тоқтату, бұл ретте сертификат/декларацияның және оның көшірмелерінің пайдаланылмауы үшін өзінің тапсырыс берушілерін сертификаттау/декларациялау сәйкестігі жағдайы мен тоқтату, жою күні туралы хабардар ету. Осы міндеттемені орындауды растайтын мәліметтерді ОПС-ке жазбаша түрде ұсыну;

6) Басқа тұлғаларға берілетін сәйкестікті растайтын құжаттардың көшірмелерін толықтай қайталау;

7) Өнімдерін сертификаттау/декларациялау туралы ақпаратқа сілтеме жасаған кезде, мысалы, құжаттарда, брошюраларда немесе жарнамалық проспектілерде ОПС белгілеген талаптарды сақтау;

8) Сәйкестік белгісін пайдалануға, сондай-ақ өнім туралы ақпаратқа қатысты сертификаттау/декларациялау талаптарын сақтау;

9) Сәйкестік сертификаттау/декларациялау талаптарын сақтау бойынша белгілі барлық шағымдарды тіркеу және оларды ОПС-ке ұсыну, және:

- осындай шағымдарға және сәйкестік сертификаттау/декларациялау талаптарын сақтауға әсер ететін өнімдегі кемшіліктерге қатысты тиісті шаралар қабылдау;

- қабылданған шараларды құжаттау.

10) Сәйкестік сертификаттау/декларациялау талаптарын сақтау мүмкіндігіне әсер етуі мүмкін өзгерістер туралы ОПС-ке хабарлау.